Një aksident i rëndë ka ndodhur në Rrugën e Kombit, teksa një person ka humbur jetën.
Ngjarja ka ndodhur në afërsi të fshatit Kolsh, 3 km para vendit të quajtur Ura e Kukësit, ku një kamion i ngarkuar me fidanë ka dalë nga rruga dhe është kthyer përmbys në krahun e kundërt, ku ka humbur jetën 50-vjeçari.
Në vendngjarje kanë mbërritur edhe shërbimet zjarrfikëse për të nxjerrë drejtuesin e mjetit, ndërsa është bllokuar qarkullimi Kukës-Tiranë për shkak të aksidentit.
Njoftimi i policisë
Më datë 07.05.2018, në autostradë Tiranë-Kukës, në vendin e quajtur “Fushë-Dukagjin”, mjeti trajler, tip “Renault”, me drejtues shtetasin N.Gj., 50 vjeç, banues në Shkodër, është përplasur me trafikndarësen, për pasojë ka dalë nga rruga dhe është përmbysur.
Si pasojë e aksidentit ka gjetur vdekjen drejtuesi i mjetit.
Grupi hetimor ndodhet në vendgjarje ku po punon për zbardhjen e shkaqeve të aksidentit.
